ಟ್ಯೂಬ್ ಪಾರ್ಟಿಂಗ್ ಎಸ್.ಪಿ.ಎಮ್.

 

 

 

 

ನಾವು ಹಿಂದಿನ ಸಂಚಿಕೆಯಲ್ಲಿ ನಾವು ವುಡ್ ರಫ್ ಕಿ-ವೇ ಯಂತ್ರಣೆಗೋಸ್ಕರ ತಯಾರಿಸಿರುವ ಎಸ್.ಪಿ.ಎಮ್. ಕುರಿತಾದ ಮಾಹಿತಿಯನ್ನು ತಿಳಿದುಕೊಂಡೆವು. ಈ ಲೇಖನದಲ್ಲಿ ಎಸ್.ಎಮ್.ಇ.ಡಿ. ಹಾಗೆಯೇ ಪೋಕಾಯೋಕೆ ಇಂತಹ ಲೀನ್ ಮ್ಯಾನ್ಯುಫ್ಯಾಕ್ಚರಿಂಗ್ ನಲ್ಲಿರುವ ತಂತ್ರಗಳನ್ನು ಬಳಕೆಯು ಹೆಚ್ಚು ಲಾಭಕಾರಿಯಾಗಬಲ್ಲದು, ಎಂಬುದನ್ನು ನಾವು ನೋಡಿದೆವು. ಈ ಸಂಚಿಕೆಯಲ್ಲಿ ನಾವು ಒಂದು ಸುಲಭ ಯಂತ್ರಣೆಗೋಸ್ಕರ ವಿಶೇಷ ಉಪಾಯಗಳನ್ನು ಬಳಸಿ ತಯಾರಿಸಿರುವ ಎಸ್.ಪಿ.ಎಮ್. ಕುರಿತಾದ ಮಾಹಿತಿಯನ್ನು ತಿಳಿದುಕೊಳ್ಳೋಣ.

 

ಈ ಎಸ್.ಪಿ.ಎಮ್.ನಲ್ಲಿ ಪ್ರಮುಖವಾಗಿ ಟ್ಯೂಬ್ ಪಾರ್ಟಿಂಗ್ ಈ ಕೆಲಸವನ್ನು ನಿರ್ವಹಿಸಲಾಗುತ್ತದೆ. ಸಾಮಾನ್ಯವಾಗಿ ಮಾರುಕಟ್ಟೆಯಲ್ಲಿ ಲಭಿಸುವ ಟ್ಯೂಬ್ ಅಥವಾ ಪೈಪ್ ಇವುಗಳ ವ್ಯಾಸವು ಬೇರೆಬೇರೆಯಾಗಿದ್ದರೂ ಕೂಡಾ ಉದ್ದವನ್ನು ಮಾತ್ರ ಸ್ಟ್ಯಾಂಡರ್ಡೈಜೆಶನ್ ಮಾಡಿದ್ದರಿಂದ ಅವುಗಳ ಉದ್ದ 4 ಮೀಟರ್ ಅಥವಾ 6 ಮೀಟರ್ ಇರುತ್ತದೆ. (ಚಿತ್ರ ಕ್ರ. 1 ಮತ್ತು 2) ನಂತರ ಯೋಗ್ಯ ಯಂತ್ರಣೆಯ ರೀತಿಯಿಂದ ಗ್ರಾಹಕರಿಗೆ ಅಪೇಕ್ಷಿತವಾಗಿರುವ ಉದ್ದದ ಆ ಟ್ಯೂಬ್ ನ ಭಾಗವನ್ನು ತಯಾರಿಸಲಾಗುತ್ತದೆ. 

 

 

 

ಚಿತ್ರ ಕ್ರ. 1 : ಟ್ಯೂಬ್ 

 

ಟ್ಯೂಬ್ ಪಾರ್ಟಿಂಗ್ ನ ಕೆಲಸದಲ್ಲಿ ನೇರವಾಗಿ ಯಂತ್ರಣೆಯ ಕೆಲಸವು ತುಂಬಾ ಕಡಿಮೆ ಅಥವಾ ನಗಣ್ಯ ಪ್ರಮಾಣದಲ್ಲಿರುವುದರಿಂದ ಈ ಪ್ರಕ್ರಿಯೆಯು ಇನ್ನಿತರ ಯಂತ್ರಣೆಯ ಪ್ರಕ್ರಿಯೆಗಳ ಹೋಲಿಕೆಯಲ್ಲಿ ಅಲ್ಪಮಟ್ಟದ್ದು ಮತ್ತು ಸುಲಭವಾಗಿರುತ್ತದೆ. ಆದರೆ ಒಟ್ಟಾರೆ ಎಲ್ಲ ಕೆಲಸಗಳ ಯೋಜನೆಯನ್ನು ಸೂಕ್ತ ರೀತಿಯಲ್ಲಿ ಮಾಡದಿದ್ದಲ್ಲಿ ಈ ಕೆಲಸದ ಸೈಕಲ್ ಟೈಮ್ ನಲ್ಲಿ ನೇರವಾದ ಯಂತ್ರಣೆಯ ಸಮಯಕ್ಕಿಂತ ಇನ್ನಿತರ ಕೆಲಸಗಳಿಗೆ ಬೇಕಾಗುವ ಸಮಯವು ತುಂಬಾ ಹೆಚ್ಚು ಇರುತ್ತದೆ. ಅಲ್ಲದೇ ಗುಣಮಟ್ಟದಲ್ಲಿ ಅಪೇಕ್ಷಿಸಿರುವ ಫಲಿತಾಂಶಗಳನ್ನು ಪಡೆಯದೇ ಇರುವುದರಿಂದ ಆಗುವ ಹಾನಿ, ಹೀಗೆ ಇಮ್ಮಡಿ ನಷ್ಟವು ಆಗಬಲ್ಲದು. 

 

 

 

ಚಿತ್ರ ಕ್ರ. 2 : ಟ್ಯೂಬ್ ಸೆಕ್ಷನ್ 

 

ನಮ್ಮ ಗ್ರಾಹಕರೊಬ್ಬರು ನಮಗೆ ಟ್ಯೂಬ್ ಪಾರ್ಟಿಂಗ್ ಈ ಆಪರೇಶನ್ ಗೋಸ್ಕರ ಒಂದು ಎಸ್.ಪಿ.ಎಮ್. ತಯಾರಿಸಿ ನೀಡುವ ಕುರಿತು ವಿಚಾರಣೆಯನ್ನು ಮಾಡಿದರು. ಗ್ರಾಹಕರಲ್ಲಿ ನಿರ್ವಹಿಸಲಾಗುವ ಕೆಲಸದ ಸ್ವರೂಪವನ್ನು ಚುಟುಕಾಗಿ ಚಿತ್ರ ಕ್ರ. 3 ಮತ್ತು ಕೋಷ್ಟಕ ಕ್ರ. 1 ರಲ್ಲಿ ನೀಡಲಾಗಿದೆ. 

 

 

 

ಚಿತ್ರ ಕ್ರ. 3 

 

 

 

 

 

 

 

 

ಟ್ಯೂಬ್ ನ ಆಕಾರವು ಸಿಲಿಂಡ್ರಿಕಲ್ ಇರುವುದರಿಂದ ಕನಿಷ್ಠ ಸಮಯದಲ್ಲಿ ನಿಖರವಾಗಿಯೇ ಕಾಂನ್ಸೆಂಟ್ರಿಕ್ ಹಿಡಿಯುವುದಾದಲ್ಲಿ ಸ್ಪ್ರಿಂಗ್ ಕಾಲೇಟ್ ಹೊರತಾಗಿ ಇನ್ನಿತರ ಯಾವುದೇ ರೀತಿಯ ಪರ್ಯಾಯವು ಇರುವುದಿಲ್ಲ. ಇದರಿಂದಾಗಿ ನಾವು ಹೆಡ್ ಸ್ಟಾಕ್ ನ ಡಿಸೈನ್ ಮಾಡುವಾಗ ಅದರಲ್ಲಿ ಗ್ರಾಹಕರಲ್ಲಿರುವ ಉತ್ಪಾದನೆಗೆ ಅನುಸಾರವಾಗಿ (ಪ್ರಾಡಕ್ಟ್ ರೇಂಜ್) ಅನೇಕ ವಿಧದ ಕಾಲೇಟ್ ಬಳಸಿ ಟ್ಯೂಬ್ ಹಿಡಿಯುವ ವ್ಯವಸ್ಥೆಯನ್ನು ಮಾಡಿದೆವು. (ಚಿತ್ರ ಕ್ರ. 6) ಇದರಿಂದಾಗಿ ನಾಲ್ಕನೇ ಸವಾಲಿಗೆ ಸೂಕ್ತ ರೀತಿಯಲ್ಲಿ ಪರ್ಯಾಯವನ್ನು ನೀಡುವುದು ನಮಗೆ ಸಾಧ್ಯವಾಯಿತು.

 

 

ಚಿತ್ರ ಕ್ರ. 7 : ಟೂಲ್ ಪೋಸ್ಟ್ ಮತ್ತು ಸ್ಪಿಂಡಲ್ 

 

ಈ ಎಸ್.ಪಿ.ಎಮ್.ನಲ್ಲಿರುವ ಟ್ಯೂಬ್ ಫೀಡಿಂಗ್ ನ ವೈಶಿಷ್ಟ್ಯಪೂರ್ಣ ರಚನೆಯಿಂದಾಗಿ ಸ್ಪಿಂಡಲ್ ನ ಮುಂಭಾಗದಲ್ಲಿರುವ ಸ್ಟಾಪರ್ ನ ಆವಶ್ಯಕತೆ ಇಲ್ಲದಂತಾಗಿದ್ದರಿಂದ ಅಲ್ಲಿರುವ ಜಾಗವು ಬರಿದಾಯಿತು. ಇದರಿಂದಾಗಿ ಹೆಚ್ಚು ಟೇಪರ್ ಇರುವ ಟೂಲ್ ಪೋಸ್ಟ್ ನಲ್ಲಿ ಟೇಪರ್ ಟೂಲ್ ಅಳವಡಿಸಿದ್ದರಿಂದ ಕೇವಲ ಕಾಲೇಟ್ ನ ಪಕ್ಕದಲ್ಲಿ ಟ್ಯೂಬ್ ಪಾರ್ಟಿಂಗ್ (ಚಿತ್ರ ಕ್ರ. 7) ಮಾಡುವುದು ಸಾಧ್ಯವಾಯಿತು. 

 

 

 

ಇದರಿಂದ ಪರೋಕ್ಷವಾಗಿ ಲಭಿಸಿರುವ ಲಾಭಗಳೆಂದರೆ ಟ್ಯೂಬ್ ನಲ್ಲಿ ಯಾವುದೇ ವಿಧದ ಡಿಸ್ಟಾರ್ಶನ್ ಆಗದೇ ಮತ್ತು ಗುಣಮಟ್ಟದಲ್ಲಿ ಕಡಿತವಾಗದೇ ಎಸ್.ಪಿ.ಎಮ್.ನಲ್ಲಿ ಹೆಚ್ಚು ಸ್ಪೀಡ್, ಫೀಡ್ (ಕಟಿಂಗ್ ಪ್ಯಾರಾಮೀಟರ್) ಬಳಸಬಲ್ಲೆವು ಮತ್ತು ಉತ್ಪಾದಕತೆಯಲ್ಲಿ ಹೆಚ್ಚಳವನ್ನು ಪಡೆಯಬಲ್ಲೆವು. ಈ ವೈಶಿಷ್ಟ್ಯಗಳು ನಮಗೆ ಮೇಲಿನ ಐದನೇ ಸವಾಲನ್ನು ನೀಗಿಸುವಲ್ಲಿ ಸಹಾಯಕವಾದವು. ಈ ರೀತಿಯ ಯಂತ್ರಣೆಯಲ್ಲಿ ಹಾನಿಯನ್ನುಂಟು ಮಾಡಬಲ್ಲ ಒಂದು ಅಂಶವೆಂದರೆ ಪ್ರತಿಯೊಂದು ಬಾರ್ ಅಥವಾ ಟ್ಯೂಬ್ ನ ಕೊನೆಯಲ್ಲಿರುವ ವ್ಯರ್ಥವಾಗುವ ತುಂಡು (ಎಂಡ್ ಪೀಸ್). ಈ ತುಂಡನ್ನು ಬಳಸುವುದಾದಲ್ಲಿ ಅದಕ್ಕೆ ಸ್ವತಂತ್ರವಾಗಿಯೇ ಯಂತ್ರಣೆಯನ್ನು ಮಾಡಬೇಕು. ಆದರೆ ಇದನ್ನು ಸ್ವಯಂಚಾಲಿತ ಆವರ್ತನೆಯಲ್ಲಿ (ಆಟೋ ಸೈಕಲ್) ಮಾಡದೇ ಮ್ಯಾನ್ಯುವಲಿ ಮಾಡಬೇಕಾಗುತ್ತದೆ. ಆದರೆ ಇದನ್ನು ಮಾಡುವಾಗ ಅದರ ಉತ್ಪಾದಕತೆಯ ಖರ್ಚು ತುಂಬಾ ಹೆಚ್ಚು ಇರುತ್ತದೆ. ಅದಕ್ಕೋಸ್ಕರವೇ ಈ ರೀತಿಯಲ್ಲಿ ಮಾಡುವುದು ಲಾಭಕಾರಿಯಾಗುವುದಿಲ್ಲ. ಇದರಿಂದಲೇ ಕನಿಷ್ಠ ಉದ್ದದ ಕೊನೆಯ ತುಂಡು ಹೊರಗೆ ಬರುವ ವ್ಯವಸ್ಥೆಯನ್ನು ಮಾಡುವುದೇ ಸೂಕ್ತ ಉಪಾಯವಾಗಿದೆ. ಬಾರ್ ಅಥವಾ ಟ್ಯೂಬ್ ಹಿಡಿದಿಡುವ ರಚನೆ ಹೇಗಿದೆಯೋ, ಅದರಲ್ಲಿ ವ್ಯರ್ಥವಾಗುವ ತುಂಡುಗಳ ಉದ್ದವು ಅವಲಂಬಿಸಿರುತ್ತದೆ.