3D ಮೆಟ್ರಾಲಾಜಿ : ಬೃಹತ್ ವಸ್ತುಗಳ ಅಳತೆ

ನಾವು ಸಹಜವಾಗಿ ದೊಡ್ಡ ದೊಡ್ಡ ಭಾಗಗಳ ಕುರಿತು ಮಾತನಾಡುತ್ತೇವೆ, ಆಗ ಅದರ ಆಕಾರವು ಮೂರು ಮೀಟರ್ ನಿಂದ ನೂರು ಮೀಟರ್ ಗಳ ತನಕ ಇರಬಲ್ಲದು. ವಸ್ತುಗಳ ಆಕಾರವು ಯಾವುದೇ ಇದ್ದರೂ ಕೂಡಾ ಎಲ್ಲ ಅಳತೆಗಳ ಉದ್ದೇಶವು ಒಂದೇ ಇರುತ್ತದೆ. ಆದರೆ ಬೃಹತ್ ಭಾಗಗಳ ಅಳತೆಯನ್ನು ಮಾಡುವುದಾದಲ್ಲಿ ಅದರಲ್ಲಿರುವ ಸವಾಲುಗಳು ಮಾತ್ರ ಬೇರೆಯೇ ರೀತಿಯಲ್ಲಿರುತ್ತವೆ. ಸಾಮಾನ್ಯವಾಗಿ ತಿಳಿದಿರುವ ಸವಾಲುಗಳೆಂದರೆ ಆಯಾ ಭಾಗಗಳ ಹತ್ತಿರ ತಲುಪಬಲ್ಲ ಗುರುತು ಕಠಿಣವಾಗಿರುತ್ತದೆ. ಉದಾಹರಣೆ, ಯಾವುದೇ ಏರೋಸ್ಪೇಸ್ ಉದ್ಯಮದಲ್ಲಿ ಬಳಸಲಾಗುವ ಭಾಗಗಳ ರಚನೆಯಲ್ಲಿ ಅಳತೆಯನ್ನು ಮಾಡುವುದು ಸಹಜವಾಗಿ ಸಾಧ್ಯವಾಗುವುದಿಲ್ಲ.

ಆದರೆ ಇನ್ನಿತರ ಸವಾಲುಗಳು ಕೂಡಾ ಇರುತ್ತವೆ. ಉದಾಹರಣೆ, ಹಲವಾರು ಯಂತ್ರಭಾಗಗಳು ಅಳತೆಗೆ ಅವುಗಳಲ್ಲಿ ಉಪಕರಣಗಳನ್ನು ತರಲಾರದಷ್ಟು ದೊಡ್ಡದಾಗಿರುತ್ತವೆ. ಅಥವಾ ಅವುಗಳನ್ನು ಹಿಡಿಯಲು ಫಿಕ್ಸ್ಚರ್ ಇಲ್ಲದಿದ್ದರೂ ಕೂಡಾ ಅದು ಸ್ಥಿರವಾಗಿ ನಿಲ್ಲವುದಿಲ್ಲ. ಕೆಲವೊಮ್ಮೆ ಹವಾಮಾನದಲ್ಲಿ ಉಂಟಾಗುವ ಬದಲಾವಣೆಗಳಿಂದಾಗಿ ಅದರ ಆಕಾರವು ಬದಲಾಗುವಷ್ಟು ಯಂತ್ರಭಾಗಗಳ ದೊಡ್ಡದಾಗಿರುತ್ತವೆ. ಬೃಹತ್ ಭಾಗಗಳ ಅಳತೆಯನ್ನು ಮಾಡುವಾಗ ಪ್ರತ್ಯಕ್ಷವಾಗಿ ಇನ್ನಿತರ ಅನೇಕ ಚಿಕ್ಕಪುಟ್ಟ ತೊಡಕುಗಳು ಉದ್ಭವಿಸುತ್ತವೆ. ಆದರೆ ಇದು ಎಲ್ಲ ಯಂತ್ರಭಾಗಗಳ ಕುರಿತು ಇರಲಾರದು. ಹೆಚ್ಚಾಗಿ ವಿಶಿಷ್ಟ ಪರಿಸ್ಥಿತಿಯಲ್ಲಿ ಇಂತಹ ಸಮಸ್ಯೆಗಳು ಉಂಟಾಗುತ್ತವೆ. ಆದರೂ ಕೂಡಾ ಈ ಸವಾಲುಗಳನ್ನು ನೀಗಿಸುವ ಪ್ರಯತ್ನದಲ್ಲಿ ಅನೇಕ ಹೊಸ ಉಪಕರಣಗಳು ಮತ್ತು ತಂತ್ರವನ್ನು ಬಳಸಲಾಗಿದೆ. ಬೃಹತ್ ಯಂತ್ರಭಾಗಗಳನ್ನು ಸಹಜವಾಗಿ ಅಳತೆ ಮಾಡಬಲ್ಲ ಉಪಕರಣಗಳ ಕುರಿತು ಮಾತನಾಡುವ ಮುಂಚೆ ಈ ಕೆಲಸವು ಈ ಹಿಂದೆ ಹೇಗೆ ಆಗುತ್ತಿತ್ತು, ಎಂಬುದನ್ನು ತಿಳಿದುಕೊಳ್ಳೋಣ.

ಪೋರ್ಟೆಬಲ್ ಅಚ್ಟುಕಟ್ಟಾದ ಉಪಕರಣಗಳನ್ನು ಬಳಸಿ ಅಳತೆಯನ್ನು ಮಾಡುವಾಗ ಈ ಕಲ್ಪನೆಯು ಜನಪ್ರಿಯವಾಯಿತು ಮತ್ತು ಅದನ್ನೇ ಬಳಸಲಾಗುತ್ತದೆ. ಒಂದು ವೇಳೆ ಉಪಕರಣಗಳಲ್ಲಿ ಅಳತೆಯ ಪ್ರಮಾಣವು 3 ಮೀಟರ್ ಗಿಂತ ಕಡಿಮೆ ಇದ್ದರೂ ಕೂಡಾ, ಬೇಕಾಗಿರುವಷ್ಟು ಸಲ ಸ್ಥಾನವನ್ನು ಬದಲಾಯಿಸಿ ಬೃಹತ್ ಯಂತ್ರಭಾಗಗಳ ಅಳತೆಯನ್ನು ಮಾಡುವುದು ಸಾಧ್ಯವಾಗಿದೆ. ಈ ರೀತಿಯ ಚಟುವಟಿಕೆಗೆ ಅಳತೆಯ ವಿಶ್ಲೇಷಣೆಯನ್ನು ಮಾಡಬಲ್ಲ ಸಾಫ್ಟ್ ವೇರ್ ನಲ್ಲಿ ಉಚ್ಚಮಟ್ಟದ ಲೀಪ್ ಫ್ರಾಗಿಂಗ್ ಕ್ಷಮತೆ ಇರುವುದೂ ಅತ್ಯಾವಶ್ಯಕವಾಗಿದೆ.

ಇದನ್ನು ಸುಲಭವಾಗಿ ತಿಳಿದುಕೊಳ್ಳಲು ಅಳತೆಯನ್ನು ಮಾಡುವ ಮಶಿನ್ ಸ್ಥಾನ ಕ್ರ. 1 ರಲ್ಲಿದೆ. ಈ ಸ್ಥಾನದಿಂದ ಹಲವಾರು ರೆಫರನ್ಸ್ ಟಾರ್ಗೇಟ್ ನ ಆಳತೆಯನ್ನು ಮಾಡುತ್ತೇವೆ. (ಉದಾಹರಣೆ, ಉರುಟಾಗಿರುವ ಟೂಲಿಂಗ್ ಬಾಲ್). ಮಶಿನ್ ಎರಡನೇ ಸ್ಥಾನಕ್ಕೆ ಸ್ಥಳಾಂತರಿಸುವಾಗ ಅದೇ ರೆಫರನ್ಸ್ ಟಾರ್ಗೇಟ್ ನ ಅಳತೆಯನ್ನು ಮತ್ತೆ ಮಾಡಲಾಗುತ್ತದೆ ಮತ್ತು ಮೊದಲು ಅಳತೆ ಮಾಡಿರುವ ರೇಫರನ್ಸ್ ಟಾರ್ಗೇಟ್ ನ ರಚನೆಯೊಂದಿಗೆ ಸರಿಹೊಂದಿಸಲಾಗುತ್ತದೆ. ಈ ಎರಡೂ ರೆಫರನ್ಸ್ ಟಾರ್ಗೇಟ್ ಗಳನ್ನು ಸರಿಹೊಂದಾಣಿಸಿದ ನಂತರ ಅಳತೆಯನ್ನು ಮಾಡುವುದನ್ನು ಮುಂದುವರಿಸಲಾಗುತ್ತದೆ. ನಂತರ ಸೆಶನ್ 1 ಮತ್ತು 2 ರಲ್ಲಿ ಮಾಡಲಾಗುವ ಎಲ್ಲ ಅಳತೆಗಳನ್ನು ಸಾಫ್ಟ್ ವೇರ್ ನ ಮೂಲಕ ಒಟ್ಟುಗೂಡಿಸಲಾಗುತ್ತದೆ. ಉಪಕರಣಗಳನ್ನು ಅಥವಾ ಯಂತ್ರಭಾಗಗಳನ್ನು ಎಷ್ಟು ಬಾರಿ ಸ್ಥಳಾಂತರಿಸುತ್ತೇವೆಯೋ, ಅಷ್ಟೇ ಬಾರಿ ಈ ಪ್ರಕ್ರಿಯೆಯನ್ನು ಮಾಡಬಹುದಾಗಿದೆ. ಪ್ರತಿಯೊಂದು ಬಾರಿ ಮಶಿನ್ ಒಂದು ಹೊಸ ಸ್ಥಾನದಲ್ಲಿ ಬರುತ್ತದೆಯೋ, ಆಗ ರೇಫರನ್ಸ್ ಟಾರ್ಗೇಟ್ ಸರಿಹೊಂದಾಣಿಸುವಲ್ಲಿ ಕೆಲವು ಕೊರತೆಗಳು ಉಂಟಾಗುತ್ತವೆ. ಈ ಕುರಿತು ಜಾಗರೂಕತೆಯನ್ನು ವಹಿಸುವುದು ಅತ್ಯಾವಶ್ಯಕವಾಗಿದೆ. ಮಶಿನ್ ನ ಸ್ಥಾನವು ಒಂದಕ್ಕಿಂತ ಹೆಚ್ಚು ಜಾಗದಲ್ಲಿ ಸ್ಥಳಾಂತರಿಸಿ ಅಳತೆ ಮಾಡಿರುವ ವಾಹನದ ಚಿತ್ರವನ್ನು (ಚಿತ್ರ ಕ್ರ. 1) ವೀಕ್ಷಿಸಿದನಂತರ ಅದರಲ್ಲಿ ಹೆಚ್ಚು ಸ್ಪಷ್ಟತೆ ಬರಬಲ್ಲದು. ಅಳತೆಯ ಕ್ಷೇತ್ರದಲ್ಲಿ ಇದೊಂದು ಪ್ರಚಲಿತ ಪದ್ಧತಿಯಾಗಿರುವುದರಿಂದ ಎಲ್ಲರಿಗೂ ತಿಳಿದ ಅಂಶವಾಗಿದೆ. ವಾಹನದ ಜಾಗದಲ್ಲಿ ಎಚ್.ಎಮ್.ಸಿ. ಅಳವಡಿಸಿದರೂ ಕೂಡಾ ಅದರ ತತ್ವ ಅದೇ ಇರುತ್ತದೆ. ಅದಕ್ಕೋಸ್ಕರವೇ ಯಂತ್ರಭಾಗಗಳ ಅಳತೆಯ ಆಕಾರದಷ್ಟು ಬೃಹತ್ ಕ್ಷಮತೆ ಅಥವಾ ಹಂತಗಳಿರುವ ಒಂದೇ ಉಪಕರಣವನ್ನು ಬಳಸಿ ಅಳತೆಯನ್ನು ಮಾಡುವುದು ಸೂಕ್ತವಾಗಿದೆ.

ಲೇಸರ್ ಟ್ರೇಕರ್

 

ಪ್ರಕ್ರಿಯೆಯಲ್ಲಿರುವ ಹಂತಗಳು