ಪ್ರೊಫೈಲ್ ಯಂತ್ರಣೆ

ಆಟೊಮೋಟಿವ್ ಯಂತ್ರೋಪಕರಣಗಳ ನಿರ್ಮಾಣದಲ್ಲಿ ಫೋರ್ಜಿಂಗ್ ಅಥವಾ ಕಾಸ್ಟಿಂಗ್ ನಂತಹ ಪ್ರಕ್ರಿಯೆಗಳನ್ನು ಮಾಡಲೇಬೇಕಾಗುತ್ತದೆ. ಕಾರಣ ಈ ಯಂತ್ರೋಪಕರಣಗಳ ಆಕಾರವು ಅಂಕು-ಡೊಂಕಾಗಿರುತ್ತದೆ ಮತ್ತು ಅಸಮಾನವಾಗಿರುತ್ತವೆ. ಫೋರ್ಜಿಂಗ್ ಮಾಡಿದ ನಂತರ ಅದಕ್ಕೆ ಆವಶ್ಯಕವಿರುವ ಜಾಗದಲ್ಲಿ ಯಂತ್ರಣೆಯನ್ನು ಮಾಡಬೇಕಾಗುತ್ತದೆ. ಅದರ ನಂತರ ಆ ಯಂತ್ರಭಾಗಗಳು ಅಸೆಂಬ್ಲಿಗೋಸ್ಕರ ಸಿದ್ಧವಾಗುತ್ತವೆ. ಸಿಲಿಂಡರ್ ಹೆಡ್, ಸಿಲಿಂಡರ್ ಬ್ಲಾಕ್, ಗಿಯರ್ ಬಾಕ್ಸ್ ಹೌಸಿಂಗ್, ಕ್ರ್ಯಾಂಕ್ ಶಾಫ್ಟ್, ಪಂಪ್ ಹೌಸಿಂಗ್ ಇಂತಹ ಯಂತ್ರಭಾಗಗಳ ತಯಾರಿಕೆಯನ್ನು ಕಾಸ್ಟಿಂಗ್ ನಂತಹ ಪ್ರಕ್ರಿಯೆಯಿಂದಲೇ ಮಾಡಲಾಗುತ್ತದೆ. ಕ್ಯಾಮ್ ಶಾಫ್ಟ್, ರಾಕರ್ ಆರ್ಮ್, ಇನ್ನಿತರ ಚಿಕ್ಕ ಗಾತ್ರದ ಯಂತ್ರಭಾಗಗಳ ನಿರ್ಮಿತಿಯನ್ನು ಫೋರ್ಜಿಂಗ್ ಪ್ರಕ್ರಿಯೆಯಿಂದಲೇ ಮಾಡಬೇಕಾಗುತ್ತದೆ. ಇದರ ಹಿಂದಿರುವ ಕಾರಣವೆಂದರೆ ಫೋರ್ಜಿಂಗ್ ನಲ್ಲಿ ಯಂತ್ರಣೆಗೆ ಕಡಿಮೆ ಸ್ಟಾಕ್ ಇಟ್ಟರೂ ನಡೆಯುತ್ತದೆ ಮತ್ತು ಮಟೀರಿಯಲ್ ನ ಖರ್ಚು ಕಡಿಮೆಯಾಗುತ್ತದೆ. ಯಂತ್ರಣೆಯ ಒಟ್ಟು ಖರ್ಚಿನಲ್ಲಿ ಟೂಲ್ ನ ಖರ್ಚು, ಯಂತ್ರಣೆಗೆ ಬೇಕಾಗುವ ಕಾಲಾವಧಿ, ಮಶಿನ್ ಇತ್ಯಾದಿ ಅಂಶಗಳು ಒಳಗೊಂಡಿರುತ್ತವೆ. ಕಡಿಮೆ ಖರ್ಚಿನಲ್ಲಿ ಹೆಚ್ಚು ಉತ್ಪಾದನೆಯನ್ನು ಪಡೆಯಲು ಕಡಿಮೆ ಸ್ಟಾಕ್ ಇಡುವುದೇ ಎಲ್ಲಕ್ಕಿಂತಲೂ ಮಹತ್ವದ ಉಪಾಯವಾಗಿದೆ. ಯಂತ್ರಣೆಗೋಸ್ಕರ ಸ್ಟಾಕ್ ಕಡಿಮೆ ಇಟ್ಟರೂ ಕೂಡಾ ಯಂತ್ರಣೆಗೆ ತಗಲುವ ವೇಳೆ ಮತ್ತು ಬೆಲೆ ಇವೆರಡನ್ನೂ ಕಡಿಮೆ ಮಾಡಬಹುದು. ಉತ್ಪಾದನೆಯ ಸಾಮರ್ಥ್ಯವನ್ನು ಹೇಗೆ ಹೆಚ್ಚಿಸಬಹುದು ಇತ್ಯಾದಿ ಅಂಶಗಳ ವಿಶ್ಲೇಷಣೆಯನ್ನು ಮಾಡುವುದೂ ಅತ್ಯಂತ ಮಹತ್ವದ್ದಾಗಿದೆ.
ಯಂತ್ರಭಾಗಗಳು : ರಾಕರ್ಆರ್ಮ್ (Rocker Arm)
ಮಟೀರಿಯಲ್ : EN8 ಫೋರ್ಜ್ ಮಾಡಿರುವಂತಹದ್ದು
ಆಪರೇಶನ್ : ಫೇಸ್ ಮಿಲ್ಲಿಂಗ್
ಮಶಿನ್ : VMC – BT40 ಟೇಪರ್
ಸ್ಪಿಂಡಲ್ ಪಾವರ್ : 9Kw
ಮಶಿನ್ ನ ಗರಿಷ್ಠ ಆರ್.ಪಿ.ಎಮ್. : 5000

ಹೊಸ ರೀತಿ
ಮೇಲಿನ ಸಮಸ್ಯೆಗಳ ಪರಿಹಾರಕ್ಕೋಸ್ಕರ ನಾವು ಗ್ರಾಹಕರಿಗೆ 8 ಮೂಲೆಗಳಿರುವ ಇನ್ಸರ್ಟ್ ಬಳಸಲು ಸೂಚಿಸಿದೆವು. ಈ ಇನ್ಸರ್ಟ್ ದೃಢ ಮತ್ತು ಹೆಚ್ಚು ಟಫ್ ಗ್ರೇಡ್ ನಿಂದ ಕೂಡಿರುತ್ತದೆ. ಇದರಿಂದಾಗಿ ಮೂಲೆಗಳ ತುಂಡಾಗುವಿಕೆ ಇಲ್ಲದಂತಾಯಿತು. ಸದ್ಯದ ಇನ್ಸರ್ಟ್ ಗಿಂತ 4 ಹೆಚ್ಚು ಮೂಲೆಗಳನ್ನೂ ನೀಡಲಾಗಿದೆ. ಇದರಿಂದಾಗಿ ಗ್ರಾಹಕರಲ್ಲಿರುವ ದಾಸ್ತಾನು (ಇನ್ವೆಂಟರಿ) ಕಡಿಮೆಯಾಗಲು ಸಹಾಯವಾಯಿತು. 8 ಮೂಲೆಗಳಿರುವ ಇನ್ಸರ್ಟ್ ಮತ್ತು ಕಟರ್ ಇವೆರಡರ ವೈಶಿಷ್ಟ್ಯಗಳನ್ನು ಈ ಮುಂದೆ ನೀಡಲಾಗಿದೆ.

ವೈಶಿಷ್ಟ್ಯಗಳು
• 8 ಮೂಲೆಗಳ ಎರಡೂ ಬದಿಗಳ ಇನ್ಸರ್ಟ್, ಕಟಿಂಗ್ ಎಡ್ಜ್ ನಲ್ಲಿ ಉಚ್ಚಮಟ್ಟದ ಹೆಲಿಕ್ಸ್ ನೊಂದಿಗೆ.
• M ಟಫ್ ಜಾಮೆಟ್ರಿ, ಹೆಚ್ಚು ಅಗಲ ಪ್ಲಾನಿಶಿಂಗ್ ಬದಿಗಳೊಂದಿಗೆ.
• ದೃಢವಾದ ಕೋನೀಯ ಕ್ಲ್ಯಾಂಪಿಂಗ್ ಗೋಸ್ಕರ ದೊಡ್ಡದಾದ ಸ್ಕ್ರೂ ರಂಧ್ರಗಳು

ಲಾಭಗಳು
⦁ ನ್ಯೂಟ್ರಲ್ ಇನ್ಸರ್ಟ್ ಇರುವುದರಿಂದ ಯಂತ್ರಣೆಯ ದಿಕ್ಕು ಎಡದಿಂದ ಬಲಕ್ಕೆ ಅಥವಾ ಅದಕ್ಕೆ ವಿರುದ್ಧವಾಗಿ ಹೇಗೂ ಅಳವಡಿಸುವಲ್ಲಿ ಸುಲಭ.
⦁ ಕಡಿಮೆಯಿಂದ ಉಚ್ಚ ವಿದ್ಯುತ್ ಶಕ್ತಿಯ ಮಶಿನ್ ನಲ್ಲಿ ಫೇಸ್ ಮಿಲ್ಲಿಂಗ್ ಗೋಸ್ಕರ ಹೆಚ್ಚು ತುಂಡುಗಳ ಆಳವನ್ನು ಕಾಪಾಡಿ ಯಂತ್ರಣೆಯನ್ನು ಮಾಡುವಲ್ಲಿ ಸಮರ್ಥವಾಗಿದೆ.
⦁ ಸ್ಟೀಲ್, ಮಿಶ್ರ ಲೋಹಗಳಿರುವ ಸ್ಟೀಲ್ ಮತ್ತು ಕಾಸ್ಟ್ ಆಯರ್ನ್ ಇವುಗಳಿಗೆ M ಜಾಮೆಟ್ರಿ.
⦁ ಕಟಿಂಗ್ ಎಡ್ಜ್ ನಲ್ಲಿರುವ ಉಚ್ಚಮಟ್ಟದ ಹೆಲಿಕ್ಸ್ ನಿಂದಾಗಿ ಕಟಿಂಗ್ ಫೋರ್ಸ್ ಕಡಿಮೆ ಇರುತ್ತದೆ.
⦁ ಚಿಪ್ ಹೊರಗೆ ತೆಗೆಯಲು ಕಟರ್ ನಲ್ಲಿ ಹೆಚ್ಚು ಅಗಲವಿರುವ ಬರಿದಾದ ಜಾಗ ಮತ್ತು M ಜಾಮೇಟ್ರಿ ಇವುಗಳಿಂದಾಗಿ ಕಡಿಮೆ ಫೋರ್ಸ್ ಇದ್ದರೂ ಯಂತ್ರಣೆ ಮಾಡಬಹುದು.
ಯಂತ್ರಣೆಯ ಈ ರೀತಿಯಲ್ಲಿ ಮಾಡಿರುವ ಬದಲಾವಣೆಗಳಿಂದಾಗಿ ಗ್ರಾಹಕರಿಗೆ ಈ ಮುಂದಿನ ಲಾಭಗಳುಂಟಾದವು.
⦁ ಟೂಲ್ ನ ಬಾಳಿಕೆಯು 100% ಗಿಂತಲೂ ಹೆಚ್ಚಾಯಿತು.
⦁ ಪ್ರತಿಯೊಂದು ಯಂತ್ರಭಾಗಗಳ ಬೆಲೆಯು 10% ಕಡಿಮೆಯಾಯಿತು.
⦁ ಇನ್ಸರ್ಟ್ ಬಳಸುವ ಸಂಖ್ಯೆಯು 60% ಕಡಿಮೆಯಾಯಿತು.
⦁ ಇನ್ಸರ್ಟ್ ತುಂಡಾಗುವ ಸಮಸ್ಯೆ ಇಲ್ಲದಂತಾಯಿತು.
 [email protected]
1995 ರಲ್ಲಿ ಮೆಕ್ಯಾನಿಕಲ್ ಇಂಜಿನಿಯರ್ ಪದವೀಧರರಾದ ನಂತರ ವಿ. ವಿ. ಪುರೋಹಿತ್ ಇವರು ಆಪರೇಶನ್ ಮ್ಯಾನೆಜ್ಮೆಂಟ್ನಲ್ಲಿ ಸ್ನಾತಕೋತ್ತರ ಪದವೀಧರರಾದರು. ಅವರಿಗೆ ಮಶಿನ್ ಟೂಲ್, ಕಟಿಂಗ್ ಟೂಲ್ ಡಿಝೈನ್ನಲ್ಲಿ ಅಂದಾಜು 24 ವರ್ಷಗಳ ಅನುಭವವಿದೆ. ಈಗ ಶ್ರೀ. ಪುರೋಹಿತ ಅವರು ‘ಡ್ಯುರಾಕಾರ್ಬ್ ಇಂಡಿಯಾ’ ಈ ಕಂಪನಿಯಲ್ಲಿ ತಾಂತ್ರಿಕ ಸಹಾಯ ವಿಭಾಗದಲ್ಲಿ ಪ್ರಮುಖರಾಗಿ ಕೆಲಸ ಮಾಡುತ್ತಿದ್ದಾರೆ.